Pas dy muajve të karakterizuar nga sforco e madhe fizike për shkak të kalendarit të ngjeshur, Botërori 2022 në Katar ka humbur shumë prej protagonistëve të tij.
Nga Pogba te Kante, për të vijuar me Mane, Wijnaldum, Diogo Jota, Coutinho, Firmino apo Reus dhe Werner. Lista e yjeve që nuk do të shkëlqejnë në Lindjen e Mesme është e konsiderueshme.
Pjesa më e madhe e lojtarëve të nivelit botëror janë detyruar të mbeten jashtë eventit për shkak dëmtimi, por nuk mungojnë as zgjedhjet teknike. Deri në startin e Kupës së Botës, lista e mungesave është shtuar dita-ditës.
Franca
Franca ka humbur dy prej emrave më të rëndësishëm: Pol Pogba dhe N’golo Kante. Të dy futbollistët kanë dëmtime në gju dhe mungesat e tyre e kanë dobësuar dukshëm mesfushën e kampionëve të botës në fuqi.
Senegali
Senegali humbi Sadio Mané. Sulmuesi i Bajernit u dëmtua në gju vetëm pak ditë më parë dhe u detyrua ti japë lamtumirën botërorit.
Brazili
Pavarësisht alternativave të shkëlqyera, Brazili ka humbur dy elementë cilësorë në fazën ofensive. Coutinho nuk do të jetë në Katar prej një dëmtimi muskulor, teksa Roberto Firmino është lënë jashtë skuadrës nga trajneri Tite.
Gjermania
Gjermania ka humbur Timo Werner dhe Marko Reus, prej dëmtimeve në kavilje. Kapiteni i Borussia Dortmund ishte mjaft i pafat, pasi lajmin e keqe mori vetëm pak orë nga shpallja e skuadrës, teksa humbet botërorin e dytë për shkak dëmtimi.
Anglia
Përveç zgjedhje teknike, ku janë lënë jashtë mbrojtësi Tomori apo sulmuesi Tami Abraham, Anglia ka humbur Ben Chilwell dhe Reece James për shkak të lëndimeve në gju.
Argjentina, Holanda dhe Portugalia
Te Argjentina mungon ylli Lo Celso, Holanda nuk do të ketë në dispozicion Wijnaldum, teksa edhe Portugalia duhet të bëjë pa Diogo Jota. Mes emrave të tjerë që nuk do të luajnë në Katar janë edhe Ante Rebiç i përjashtuar nga Kroacia dhe Zhezus Korona i Meksikës, i cili është dëmtuar.
Discussion about this post