Një aksident ka ndodhur ditën e sotme në aksin Milot-Thumanë. Mësohet se afërsi të fshatit Gjorm, dy makina janë përplasur me njëra-tjetrën dhe si pasojë kanë dalë nga rruga.
Në makinën me targa zvicerane ndodheshin burrë e grua, Nikoll dhe Mrika Tusha, të cilën kanë mbetur të plagosur rëndë dhe për këtë arsye janë dërguar në spitalin e Traumës me urgjencë.
Ndërkohë që në makinën tjetër ka mbetur i lënduar drejtuesi i mjetit, Fatjon Gjini dhe pasagjerja Mara Gjin Prenga, që po ashtu janë dërguar në spital.
Ende nuk dihen shkaqet e aksidentit, ndërkohë që në vendngjarje ka shkuar policia së bashku me grupin hetimor për të bërë të mundur zbardhjen e ngjarjes.
Discussion about this post