Deputetja demokrate, Albana Vokshi ka kërkuar përjashtimin e kryeministrit Edi Rama nga Kuvendi pas retorikës fyese dhe të papranueshme që përdori në seancën e fundit plenare.
Vokshi deklaroi se vajzat e saj ishin tmerruar nga gjuha e kryeministrit, duke kërkuar marrjen e një mase, njëjtë siç ndodhi me dy deputetët e opozitës, Edi Paloka dhe Bujar Leskaj.
“Ishte e pritshme që të mos e pranonit debatit. Po tentoni që t’i mbyllni gojën opozitës, na keni hequr të drejtën e fjalës, siç po na hiqni dhe sot. Keni frikë nga fjala, po shkelni në mënyrë të vazhdueshme rregulloren dhe kushtetutën, duke kthyer këtë që në vend që qytetarët të shikonin se si mbrohen interesat, po mbroni ministrat tuaj. Kërkoj të merrni masë për Ramën, vajzat e mia janë tmerruar nga gjuha e Kryeministrit, dhe të gjithë fëmijët. Ky është shembulli që duam të japim? Kërkoj që të merret masë dhe të përjashtohet, siç u mor masë dhe për kolegët e PD, të mblidhet urgjentisht komisioni dhe të merret masë për gjuhën vulgare të tij”, tha Vokshi.
Discussion about this post