Policia e Italisë ka ndaluar një 44-vjeçar me kombësi shqiptare. Ai akuzohet se përndiqte vazhdimisht ish-gruan në vendet që ajo frekuentonte.
Sipas mediave italiane, shqiptari ishte kthyer në mankth për ish-gruan pasi e përndiqte duke e kërcënuar atë dhe duke e bombarduar me mesazhe dhe telefonata, derisa e detyroi atë të ndryshonte stilin e jetës, madje të jepte dorëheqjen nga puna.
Dispozita e nxjerrë nga Prokurori Publik në Gjykatën e Velletrit nuk do të lejojë që i dyshuari të afrohet në një distancë prej njëqind metrash nga personi i ofenduar dhe familjarët e saj dhe aplikimi i mjetit elektronik të kontrollit (i ashtuquajturi byzylyk) lejojnë monitorimin e pajtueshmërisë me këtë masë.
Discussion about this post