Ditën e sotme është raportuar një rast tjetër përdhunimi i një të miture në Kosovë, ku një punonjës teknik në një shkollë në Malishevë ka abuzuar seksualisht me një nxënëse.
Ngjarja ka ndodhur në shkollën fillore “Kajtaz Ramadani” në Kijevë të Malishevës, ndërkohë që Drejtoria e Arsimit në këtë komunë kanë marrë vendimin që duke nisur nga sot, 18 nëntor 2022, i dyshuari të pushohet nga puna.
“Punëtori Naser Hamëz Malisheva nga fshati Kijevë, KK- Malishevë i sistemuar në punë dhe detyrë punëtor teknik në SHFMU “Kajtaz Ramadani” në Kijevë i ndalohet puna nisura nga data: 18.11.2022”, thuhet në vendimin e Drejtorisë së Arsimit dërguar Gazetës Infokus.
Ndërkaq, drejtoresha e Arsimit në Komunën e Malishevës, Arbëreshë Krasniqi, në një prononcim ka thënë se drejtori i shkollës në momentin që ka kuptuar rastin ka lajmëruar atë dhe policinë.
Rasti u bë publik nga Policia e Kosovës, ku zëdhënësi i policisë për rajonin e Gjakovës, Sheremet Elezaj, ka thënë se i dyshuari është arrestuar dhe me vendim të prokurorit është dërguar në mbajtje për 48 orë.
Discussion about this post