Kryetari i Partisë Demokratike Sali Berisha vizitoi sot Panairin e Librit. Më pas, ai dha dhe një prononcim para gazetarëve. Ndër të tjera, Berisha akuzoi kryeministrin Edi Rama se ka ndaluar fondet për blerjen e librave për bibliotekat e shkollave.
“Sot në këtë panair, festival madhështor i librit, me gjeninë e tyre krijuese, ata janë kontributorët kyesorë në forcimin, shkëlqimin e identitetit tonë kombëtar. Asgjë nuk lidhet me identitetin e shqiptarëve më shumë se gjuha dhe libri.
Lexo edhe: “Shqiptarët po ikin”, Meta: Rama armik, iu ka vrarë shpresën
Në këtë kontekst, kjo mori publikimesh shqiptare dhe të huaja në gjuhën tonë amtare, përbëjnë një arritje të re. Për kulturën dhe letrat shqipe.
Por unë jam këtu për të dënuar politikën antilibër, antikombëtare të Edi Ramës. Të këtij armiku të egër të librit, kulturës. Të këtij antishqiptari që i futi buldozerët Teatrit Kombëtar. Që mbuloi me ndërtime 120 objekte të trashëgimnisë kulturore. Që po rrënon Butrintin dhe vlerat e tjera të mëdha.
Por jam këtu për të denoncuar qëndrimin antilibër të tij. Shqiptarët duhet ta dinë se libri këtu tatohet më shumë se kudo në Europë. Shqiptarët duhet ta dinë se ato përpjekje që u bënë për të krijuar, jetësuar bibliotekat në të gjitha shkollat e vendit. Atoo fonde që u përcaktuan për të blerë libra për ato biblioteka, u ndaluan me një vendim antilibër të Edi Ramës.
Discussion about this post