Pas publikimit të fotografive ku ngjitur me fanellat e futbollistëve të Serbisë në Katar u vu harta e Kosovës me flamurin serb, ka reaguar kryetari i Partisë Demokratike Sali Berisha.
Ai dënon ashpër këtë akt, duke kërkuar përjashtimin e Serbisë nga kampionati. Berisha akuzon kryeministrin Edi Rama se përse po hesht para këtyre pamjeve të rënda.
Lexo edhe: Skandal në Katar, serbët tregojnë ekstremizëm në Kupën e Botës
“Shpërthim racizmi antishqiptar i ekipit të ultranacionalist serb në Katar. Dënoj me ashpërsinë më të madhe këtë akt primitiv të ekipit serbomadh të Beogradit dhe kërkoj përjashtimin e tyre urgjent nga kampionati. Dënoj heshtjen e turpshme të vasalit të Aleksander Vuçiçit, Edi Rama”-shkruan Berisha.
Kujtojmë se dy ditë më parë, pankartat skandaloze të tifozëve serbë në shkallët e stadiumit “Lusail Iconic Stadium shkaktuan një ‘valë reagimesh’ në rrjet Në hartën e Kosovës me flamurin serb të mbivendsour ata shkruanin:“Nuk dorëzohemi”.
Discussion about this post