Ditën e djeshme Arbenita Ismajli dhe reperi Fero ishin në qendër të vëmendjes për shkak të marrëdhënies së tyre. Ishte vetë modelja ajo që dha indiciet e para se gjërat mes tyre nuk po shkojnë edhe aq mirë.
Pasi Arbenita publikoi në Tik Tok mesazhin që futbollisti brazilian Neymar i kishte dërguar asaj, u vu re se modelja dhe bashkëshorti i saj Fero nuk ndiqeshin më në rrjetet sociale.
Ndërkohë që mbrëmjen e djeshme ka ardhur reagimi i parë nga vetë reperi. Teksa ishte livestream në Instagram, duke përdorur nota ironike, Fero u shpreh se Arbenita e ka lënë dhe po e vuan shumë këtë fakt. Madje ai vijon më tej duke thënë se do t’i dedikojë 10 këngë asaj.
“M’ka lon Arbenita, jam tu vujt. Jam tu vujt. Kismet Arbenitës do ja bëj 10 muzika se jam tu vujt”, tha ai.
Një reagim ky i cili ka habitur fansat e reperit e jo vetëm. Duke se Fero ka zgjedhur mënyrën më të çuditshme për të ironizuar të gjithë situatën e krijuar nga vetë Arbenita. Tani na mbetet të presim për të parë “dedikimin” që do t’i bëjë modeles.
Discussion about this post