Moderatori Isli Islami ka zbuluar disa informacione në lidhje me “Përputhen”. Ai u përfol se do të drejtonte programin e dashurisë, pas largimit të Ori Nebiajt e cila do të bëhet deputete e Partisë Demokratike. Por Isli hoqi të gjitha dyshimet, duke bërë me dije se Bora Zemani do të jetë moderatore e “Përputhen”.
“Te Përputhen do shkojë më i shpejti, unë i kam gjunjët copë këto ditë. Dhe me sa di unë Bora Zemani ka dhënë një përgjigje”, tha ai.
Moderatoret e “Goca e Gra” thanë menjëherë: “E kuptuam, Bora Zemani do u ktheka në “Përputhen.”
Bora Zemani dhe Donald Veshaj janë emrat më të lakuar të vitit të fundit. Dyshja bënë bujë të madhe me historinë e tyre, të cilën zgjodhën ta jetojnë në syrin e publikut, dashur pa dashur.
Një nga momentet e bujshme të historisë së tyre është edhe takimi në BBV, por edhe “dhurata” që i bëri Donaldi, në tre vjetorin e lidhjes së tyre.
Së fundmi vetë aktori ka risjellë në vëmendje varësen që i dhuroi Borës, me të cilën ajo pozoi në disa nga fotot e saj në rrjetet sociale.
Donaldi ka postuar një foto të Borës me varësen e tij në qafë, krahas së cilës shkruan: “Ku është kjo?”
Por nuk ka vonuar as përgjigja e Bora Zemani, gjithashtu përmes një fotoje në Instastory.
“Nuk ta jap më, kot interesohesh”– shkruan Bora në foton që ka ripostuar.
Discussion about this post