Shpërthen bombola e gazit brenda banesës

Një bombol gazi ka shpërthyer në një banesë në Vlorë këtë të Enjte. Nga shpërthimi nuk raportohet për të lënduar, por ka dëme materiale

“Rreth orës 17:05, në lagjen ‘Uji i Ftohtë’, në Lungomare, dyshohet si pasojë e shpërthimit të një bombule gazi, është përfshirë nga flakët ballkoni i banesës së shtetases D.B., ku janë shkaktuar vetëm dëme materiale”, njoftoi policia.

Grupi hetimor po punon për zbardhjen e plotë të rrethanave të ngjarjes, shtuan të njëjtat burime.