Xhevdet dhe Albion Braushi, babë e bir u plagosën me thikë mbrëmjen e djeshme nga 27-vjeçari Rildi Kocja, dhëndri i 61-vjeçarit. Ngjarja ndodhi në lagjen “Çole” rreth orës 21:30 të mbrëmjes së djeshme, ku dy të plagosurit u transportuan menjëherë në spital.
Ditën e sotme kanë folur për mediet banorët e zonës të cilët janë të tmerruar nga njollat e gjakut dhe tronditur nga ngjarja e rëndë.
“Nuk i njoh. Kur dolëm nga shtëpia pamë gjakun në rrugë. Mos fol më të keqen nëna se po më dridhet trupi.”
Një banor tjetër thotë se 61-vjeçari Xhevdet Braushi kishte tre vajza dhe një djalë dhe bashkë me të birin shisnin rroba.
“Nuk e pamë çfarë ndodhi. Babë e bir merreshin me plastmase, me rroba. Nuk janë problematikë. Nuk e di a ishte i ndarë nga vajza dhëndri. Kur erdha unë e kishin marrë njërin e kishin futur në makinë, pastaj morën tjetrin. Dhëndri është nga Tirana, nuk e di nëse kanë pasur konflikte më parë.”
Lexo edhe: “Do mbushim sheshin”/ Nesër protesta, Berisha nuk tërhiqet
Rildi Kocja, 27 vjeç banues në Tiranë pas ngjarjes së rëndë u arratis, por u arrestua nga policia 1 orë më vonë, ndërsa dy të plagosurit janë jashtë rrezikut për jetën.
Discussion about this post