Kryetari i Partisë Demokratike Sali Berisha po zhvillon konferencën e përbashkët me gazetarët. Gjatë fjalimit, ai përmendi dhe kandidaturën e opozitës për Avokatin e Popullit, që rrëzoi dje Kuvendi. Berisha u shpreh se kryeministri Edi Rama zgjodhi të njëjtën skemë si me presidentin, duke u tallur dhe zgjedhur atë që donte ai.
Sipas kreut të PD, Rama do të pushtojë dhe të vetmin institucion që nuk e kontrollon dot, atë të Avokatit të Popullit.
“Aty kishte përfaqesues të ish të përndjekur poliitk si Besim Ndregjoni që gëzonte mbështetje të gjerë të shtresës së tij. Kandidaturë e përkushtuar ditë e natë për të drejtat e njeriut ishte dhe Altin Goxhaj, ishin edhe jurist të njohur, përfaqësues të gjeneratës së re. Ishin një numer i konsiderueshem dhe që të gjithë ata u hodhen poshte vetem se Edi Rama nuk pranonte asnjerin prej tyre.
Ajo që patë ju në këtë proces ishte procesi më i turpshëm me të cilin Edi Rama haptas kërkoi të pushtoj edhe të vetmin institucion gjyqësor që ai nuk e kontrollon. Në traditë të vendeve të tjera dhe këtij vendi është respektuar parimi që Avokatin e Popullit të emërojë opozita ose të jetë një përfaqësues i shquar i rretheve që merren me te drejtat e njeriut. Mundet ti mbroje ato nga arbitrariteti qeveritar.
U fol per marreveshje te fshehta dhe te ngushta dhe ata që patën iluzion,. Rama përdori të njëjtën skemë në zgjedhje e presidentit. Beri sikur ia la opozitës por u tall dhe emëroi njeriun që deshi. Ky akt është dëshmi tjetër se monizmi përmbyset vetem me revolucion” , deklaroi lideri demokrat.
Discussion about this post