Një vit më parë Robert Lewandowski ishte shumë pranë trofeut të “Topit të Artë”. Por më në fund çmimi i rëndësishëm i shkoi Lionel Messit për herë të shtatë. Me triumfin në Botëror, “pleshti” është një hap përpara të gjithë lojtarëve, pa diskutim favoriti kryesor, në këtë pikë nuk ka asnjë dyshim “bomberi” polak:
“Leo është shumë pranë këtij suksesi, Botërori zhvillohet një herë në 4 vite, është përcaktues se kush do të fitojë “Topin e Artë”, u shpreh Lewandowski duke u ndalur më pak te objektivat e tij, duke u kthyer pak pas në kohë, në atë eliminim të rëndë në Champions që në fazën e grupeve:
“Nuk dua që të ndodh më, kishim shumë dëmtime, por kundër Bayern dhe Inter bëmë shumë gabime, çmimi që paguam ishte shumë i lartë. Jemi të vetëdijshëm që mund të bëjmë më mirë sezonin e ardhshëm”, theksoi Lewandowski i cili me përfaqësuesen polake synon kualifikimin për në “Euro2024”.
Discussion about this post