Ministri serb i Mbrojtjes, Millosh Vuçeviç ka njoftuar sot urdhrin e dhënë nga presidenti Aleksandër Vuçiç i cili kërkon që kreu i ushtrisë të rrisë numrin e pjesëtarëve të njësive speciale të ushtrisë në 5000. Ministri shtoi se këta ushtarë do të jenë të gatshëm t’u përgjigjen të gjitha sfidave në mënyrë që të ata janë gjithmonë në detyrë të mbrojnë atdheun e Serbisë.
“Po informoj opinionin e Serbisë dhe jo vetëm të Serbisë, se mbrëmë gjeneral Mojsiloviq, shef i Shtabit të Përgjithshëm të Forcave të Armatosura të Serbisë, morëm një detyrë, një urdhër nga Presidenti i Republikës si Komandant i Përgjithshëm. që Forcat e Armatosura të Serbisë të rrisin numrin e pjesëtarëve të njësive speciale të Forcave të Armatosura të Serbisë deri në fund të vitit 2023, pra të atyre që do të trajnohen posaçërisht si pjesë e Ushtrisë Serbe, nga 1500 në 5000”, ka thënë Vuçeviç.
Shefi i shtabit të ushtrisë serbe, gjenerali Milan Mojsiloviç ka zbardhur takimin që zhvilloi ditën e djeshme me presidentin serb Aleksandër Vuçiç. Gjenerali është nisur në Rashkë. Fokusi i bisedimeve me presidentin serb ka qenë Kosova dhe për këtë arsye ai është nisur me detyra të qarta në kufirin e veriut të Kosovës, teksa nuk ndau detaje të tjera lidhur me takimin.
Discussion about this post