Një ditë pas vdekjes së 60-vjeçares Shpresa Cani në ambientet e Bashkisë Lushnje, Policia ka dalë me një njoftim zyrtar. Ato konfirmojnë vdekjen e gruas brenda Bashkisë, duke shtuar se 60-vjeçarja ka humbur jetën nga shkaqe natyrale.
“U referuan materialet në Prokurori për vlerësim, pasi në datën 28.12.2022, në ambientet e bashkisë së Lushnjës, ka humbur jetën shtetasja Sh. C., 60 vjeçe, banuese në Fiershegan. Paraprakisht dyshohet se 60-vjeçarja e ka humbur jetën nga shkaqe natyrale.
Materialet procedurale i kaluan Prokurorisë, për veprime të mëtejshme”, njofton policia.
Ngjarja e rëndë ndodhi paraditen e djeshme. Cani kishte shkuar në zyrat e bashkisë për të pyetur përse i është hequr ndihma ekonomike. E ndjera shkoi fillimisht tek zyra e informacionit për ndihmën sociale, ndërsa u tha se ka pasur edhe një debat me tone të larta mes saj dhe punonjësve dhe kryetares së Bashkisë. Edhe pse u thirr një ambulancë, nuk është bërë mundur që 58-vjeçarja të shpëtohet pasi ka ndërruar jetë brenda bashkisë së Lushnjes.
Discussion about this post