Braziliani Sylvinho është zgjedhur trajneri i ri i kombëtares shqiptare. Ai ka firmosur një kontratë 18 mujore, me objektiv kualifikimin në fazën finale të “Euro 2024”.
Me anë të një video të postuar nga FSHF, tregohen 24 orët e para të brazilianit me stafin e tij në Shqipëri, që nga mbërritja në aeroportin e Rinasit deri te mbërritja në hotelin ku grumbullohet Kombëtarja në Durrës.
Në video tregohen pamjet nga takimi me kreun e FSHF Armand Duka dhe trajnerin e mëparshëm të kuqezinjve Edi Reja, matjet e bëra për kostumet që do të vishnin, konferenca për shtyp gjatë prezantimit dhe në fund inspektimi i fushave te shtëpia e futbollit.
Discussion about this post