Tre persona, një 54-vjeçar, një 21-vjeçar dhe një 51-vjeçar, të gjithë me kombësi shqiptare, janë arrestuar ditën e djeshme në Neo Kosmos. Protothema shkruan se tre shqiptarët janë arrestuar për trafik të lëndëve narkotike. Gjatë aksionit për kapjen e tregtarëve dhe trafikantëve të drogës, tre shqiptarët u arrestuan në shtëpinë e tyre. Autoritetet arrestuan të pandehurit në shtëpinë e tyre në Neo Kosmos, për posedim për qëllime trafikimi të një sasie kokaine.
Gjatë kontrollit të kryer në banesën e tyre, u gjetën dhe u konfiskuan: një paketë e improvizuar me 70 gramë kokainë, 398 gram pluhur i bardhë, i përshtatshëm për falsifikimin e kokainës, 505 euro, 4 peshore elektronike precize, 2 celularë, 2 makina, 2 rrotulla film najloni të përshtatshëm për paketimin dhe standardizimin e barnave. Të arrestuarit u dërguan në Prokurorinë Penale të Athinës.
Discussion about this post