Ekzekutohet ish-deputetja, i vrasin dhe rojen

Ish-deputetja afgane Mursal Nabizada dhe roja e saj e sigurisë u qëlluan për vdekje në shtëpinë e saj në Kabul të dielën herët në mëngjes, sipas policisë së Kabulit.

Nabizada përfaqësoi Kabulin në parlamentin e Afganistanit nga viti 2019, ndërsa qeveria u rrëzua nga talebanët në gusht 2021.

Ajo ishte një nga të paktat ish-ligjvënëse femra që mbeti në Afganistan pas marrjes së pushtetit nga talibanët.

Vëllai i Nabizada gjithashtu u plagos në sulm, tha zëdhënësi i policisë së Kabulit Khalid Zadran, i cili shtoi se një hetim për të përcaktuar se kush e kreu sulmin është duke u zhvilluar.

Të shtënat ndodhën rreth orës 3 të mëngjesit, sipas shefit të policisë lokale, Molvi Hamidullah Khalid.