Këngëtarja shumë e dashur nga publiku, Fifi ka treguar se në fillimet e saj është paguar nga 10-35 euro për performancat që ofronte në lokalet e Prishtinës.
Gjatë një bisede me ndjekësit në Instastory, ajo u shpreh se atëherë ndjehej njeriu më me fat në botë që i jepej mundësia të punonte e të fitonte para me djersë, ndonëse pagesa ka qenë kaq e ulët.
“16 vjeçe dhe kam kënduar në kafet e vogla në Prishtinë. Herë me kitarë, herë me tastierë dhe më e bukura është që ka pas raste kam marrë 10 euro për performancën e më shumë 35 euro në atë kohë. Dhe ndjehesha njeriu më me fat në botë se po e fitoja me djersë”, është përgjigjur Fifi teksa është pyetur se kur ka nisur punë për herë të parë.
