Nëse një foto flet sa 1000 fjalë, një emoji vlen sa një milion fjalë në ditët e sotme. Dhe pikërisht disa emoji i kanë bërë fansat e Kourtney Kardashain dhe Travis Barker të dyshojnë se ata janë martuar.
Së fundmi, ata udhëtuan bashkë drejt Las Vegasit, që njihet si toka e kazinove dhe dasmave të papritura (në Nevada çiftet nuk duhet të presin për të marrë një licencë për martesën). Pasi panë një ndeshje bashkë, Kardashian publikoi në foto të saj dhe të Barker, ku ata shfaqeshin shumë të dashuruar si gjithmonë. Në foto nuk dallohej asnjë unazë martese, ndërsa Kourtney shkroi përbri saj: “Çfarë ndodh në Vegas!”.
Por stilisti i Kardashian, publikoi disa foto të tjera të dyshes në korridorin e hotelit dhe Instagrami i tij tregon një histori krejtësisht ndryshe. Ai shkroi përkrah postimit: “Tani e kuptoj pse njerëzit martohen në Vegas! Nuk ka asgjë si dashuria dhe koha e mirë”. Sipas “BuzzFeed” fillimisht postimi i tij kishte emojin e një unazë fejese, para se të zëvendësohej me figurën e një zemre të zezë. Gjithashtu vajza e Barker, Alabama, publikoi një foto të çiftit në Instastory dhe shkroi “Shumë e lumtur për ju”, shoqëruar me dy zemra të kuqe.
Të gjithë këto detaje duken shumë të dyshimta, ndaj fansat kanë nisur të besojnë se Kourtney dhe Travis janë martuar në fshehtësi. Por asgjë nuk dihet ende me siguri, ndaj do të presim reagim nga dyshja për të mësuar se si qëndron e vërteta.
