Ditën e djeshme nisi edicioni i ri i kampionatit kroat. Lokomotiv Zagreb luajti ndaj Hajduk Split, me të dy ekipet, që kanë mjaft prani shqiptarësh dhe të dy ishin protagonistë.
Enis Çokaj ishte më aktivi, duke dhuruar dy asiste dhe qenë shumë vendimtar në ndeshjen, që u mbyll me shifrat 2-2. Fillimisht mesfushori i kombëtares krosoi për Soldo, që tundi rrjetën në minutën e 42.
Më pas ishte sërish Çokaj që dha një pasim cilësor për Dabro, duke i dhënë hapësirë këtij të fundit, që veproi plot kas dhe tundi rrjetën.
Nga ana tjetër edhe Emir Sahiti e la shenjën e tij në këtë ndeshje për Hajduk Split. Anësori dha pasimin final të golit të parë të ndeshjes, që kaloi në avantazh të përkohshëm Hajdukun.
