Juventus dhe Monza do të takohen më 31 korrik për edicionin e ri të trofeut ‘Berlusconi’.
Trofeu ‘Berlusconi’ është një miqësore e përvitshme e verës që zakonisht zhvillohet në San Siro. Ajo u themelua në vitin 1991 nga pronari i atëhershëm i Milan, Silvio Berlusconi në kujtim të babait të tij Luigi Berlusconi.
‘Rossonerët’ u përballën me një kundërshtar të ndryshëm nga Juventusi vetëm tre herë në histori, me Interin në 1992, Real Madrid në 1993 dhe Bayern Munchen në 1994.
Ajo u luajt për herë të fundit në 2015, dy vjet para përfundimit të Presidencës së Milanos të Berlusconit.
Skuadra me më shumë fitore të këtij çmimi është Milan, e cila numëron plot 13 të tillë.
Monzanews dhe Telelombardia raportojnë se një edicion i ri do të luhet në fund të muajit, me Juventusin që përballet me Monza, skuadër e Serisë B.
Tuttosport konfirmon se ndeshja do të zhvillohet në ‘U-Power Stadium’ në Monza më 31 korrik, por është ende e paqartë nëse tifozët do të lejohen të marrin pjesë në ndeshje.
Të dy klubet pritet të konfirmojnë miqësoren me një deklaratë zyrtare në ditët në vijim./Gijotina.com
