Lionel Messi po kalon një nga verat më të lumtura të tij dhe ka zgjedhur të pushojë në Miami, Florida, një nga bregdetet më të bukur në SHBA.
Leo ka publikuar disa foto nga pushimet e tij dhe mediet kanë arritur të gjejnë cila është shtëpia, ku Messi po pushon me tre djemtë dhe gruan e tij, Antonelën.
Bëhet fjalë për një vilë në bregdetin e Key Biscayne në Miami-Dade County, e marrë me qira. Ajo është katër katëshe me pesë dhoma gjumi, 6 banjo, një pishinë gjigante dhe garazh për disa makina.
Dritaret e mëdha dominojnë një fasadë që ka pishinën në këmbët e saj. Përveç kësaj, ka zona të mëdha të gjelbra dhe një vend me rrogozë të përsosur për të soditur pamjet madhështore.
