Napoli dhe Chelsea janë ende në bisedime për Emerson Palmieri, i cili thuhet se ka informuar Blutë e Londrës se dëshiron të largohet.
Kontrata e Emerson mbaron në qershor të 2022-it, por gjigandët e Premier League kërkojnë që ta zgjasin qëndrimin e tij deri në vitin 2023.
Mbrojtësi i lindur në Brazil, por që ka shtetësi italiane u transferua në Londrën e Jugut nga Roma në një marrëveshje prej 20 milionë eurosh në vitin 2018.
Ish-trajneri i Romës, Luciano Spalletti dëshiron të ribashkohet me 26-vjeçarin në Napoli, por sipas disa raportimeve nga Italia mësohet se çmimi i kërkuar i nga Blutë është shumë i lartë.
Calciomercato.com konfirmon se gjigantët e Premier League kërkojnë 20 milionë euro për të shitur italianin, ndërsa Napoli ofron vetëm 10 milionë euro.
Sidoqoftë, dy klubet jane ende në bisedime, pasi Emerson dëshiron të transferohet në Stadio Maradona. Po nga e njëjta media raportohet se Emerson tashmë ka informuar klubin e tij se ai dëshiron të shkojë në Itali.
Lojtari i kombëtares fituese të ‘EURO 2020’ ka shënuar dy gola dhe ka dhënë pesë asistime në 70 paraqitje me Blutë./Gijotina.com
