Trajneri i skuadrës së Laçit Shpëtim Duro beson se skuadra e tij do të marr një rezultat pozitiv ndaj rumunëve të Craiova në turin e dytë të conferencë league.
“Ishte objektivi ynë kryesor kalimi i një turi dhe fitorja me Podgoricës, akoma më shumë përmbysja e rezultatit dhe loja e mirë që treguam, na ka çliruar nga ana psikologjike.
Në raundin tjetër, skuadra e Craiova, është shumë e fortë dhe ishte pretendent kryesor për të fituar titullin kampion në Rumani. Është një skuadër me kualitete, ka elementë të ekipit kombëtar. Vështirësia e kësaj ndeshje dihet, por kam besim se do paraqitemi mirë.
Jemi mirë moralisht pas atij kualifikimi, skuadra është e plotë dhe do bëjmë maksimumin për të bërë një paraqitje pozitive. Padyshim Craiova është favoritë për kualifikimin, por në futbolli sigurisht nuk është plotësisht ashtu si mendohet.
Do luajmë këto dy ndeshje, do bëjmë maksimumin. E dimë se kemi përballë skuadër me potencial, por edhe skuadra jonë ka lojtarë të mirë që mund të bëjnë diçka në këto dy ndeshje”, përfundoi trajneri Duro.
