Këngëtari Mateus Frroku i ka dalë në mbrojtje Capital T, pasi u kritikua ashpër nga fansat për fshirjen e kryqit në klipin e tij.
Mateus me anë të një postimi në historitë e ‘Instagramit’ ka treguar se ka bërë një bisedë me Capital T dhe mbështet atë në këtë keqkuptim të krijuar. Për Mateusin, ai është një artist i vërtetë dhe vlen të theksohet se ka pranuar një gabim që nuk është bërë nga ai vetë.
“Unë kurrë si Mateus nuk kam replikuar dhe gjykuar askënd për zgjedhjet e tij në jetën artistike dhe private. As e kam për kënaqësi dhe kultura ime nuk është e këtij modeli. Aq më pak të mendoj se përfitoj nga postime të tilla. Jam dakord që artistët duhet të jenë suportues me njëri-tjetrin dhe këtë e kam bërë gjithmonë. Por jam kundër që nëpërmjet artit publiku të marrë mesazhin e gabuar. Pata një bisedë private me @truekapo dhe e vlerësoj shumë komunikimin me të. HITMAN je dhe atëherë kur me përulesi pranon një keqkuptim të krijuar edhe pse pa dashjen tënde. Ps: Ne Shqiptarët boll e kemi djeg shpirtin tone duke shkatërruar dhe prishur kisha dhe xhamia. Është koha që të gjithë bashkë të mbrojmë kulturën dhe harmoninë fetare”, – shkruan ai.
