Kapiteni i Kombëtares së Anglisë, Harry Kane pritet të ndërrojë skuadër për një shifër prej 160 milionë paundsh, pasi Presidenti i Tottenham ra dakord ta linte atë të lirë.
Protagonisti i ‘Euro 2020’ ka vendosur që të bashkohet me klubin e Manchester City-t për një pagë prej 400 mijë paundësh në javë raporton ‘The Sun’
Ishte vet Harry ai që bëri publik lajmin e transferimit, ndërsa ishte i ftuar nderi në dasmën e vëllait të tij. Fjalët e lojtarit u konfirmuan nga e motra Charlie, e cila është agjentja e kapitenit të Anglisë dhe lajmi i mirë u nda me familjen dhe miqtë në dasmë të djelën e kaluar.
27-vjeçari është i vendosur për kalimin te City dhe pasi kreu i Tottenham Daniel Levy kishte thënë më parë se do ta shiste yllin vetëm te një skuadër evropiane, duket se vetëm klubi i trajnerit Pep Guardiola mund të plotësojë kërkesat e Kane. Marrëveshja pritet të jetë 4-5 vjeçare megjithatë ende pritet zyrtarizimi./Gijotina.com
