Ndeshja e mbrëmjes së djeshme për turin e dytë të Conference League, e cila u mbyll me rezultatin 1-0 për AEL Limassol ka qenë shumë herë më e vështirë seç u duk për skuadrën e Vllaznisë.
Mësohet se një pjesë e skuadrës dhe e stafit nuk janë ndjerë mire, duke u detyruar të marrin ndihmën e specializuar mjekësore.
Mjeku i Vllaznisë, Ilirjan Haxhaja ka treguar së fundmi se skuadra ka qenë në gjendje shumë të keqe shëndetësore, shkaku i së cilës nuk është zbuluar ende nëse ishte helmim apo virozë.
Megjithatë Haxhaja theksoi se vështirësia më e madhe ka qenë fakti se asnjë nga lojtarët s’mund të shkonte në spital, pasi ishte e vështirë për shkak të rregullave të vendase prej COVID-19.
“Falënderoj djemtë që luajtën me zemër dhe pse u ndodhëm në një situatë të vështirë shëndetësore, me virozë, helmim dhe temperatura të larta. Patëm gjysmën e ekipit sëmurë ku improvizuam në kushtet e hotelit, spitalin për ndihmë mjekësore.
Për situatën e COVID-19 në Qipro, ishte e vështirë të shkoje në spital. Të përkrahim sportistët në ndeshjen e kthimit”,-tha ndër të tjera Ilirjan Haxhaja./Gijotina.com
