Interi është në garë me kohën për të gjetur një zgjidhje për Arturo Vidal, pasi asnjë klub në Evropë nuk ka dalë për kilianin.
‘Zikaltërit’ po punojnë për të gjetur një skuadër për mesfushorin dhe po nxitojnë përpara sezonit të ri, pasi çështja po bëhet gjithnjë e më e ndërlikuar.
‘La Gazzetta dello Sport’ raporton se kampionët në fuqi shpresojnë të ndahen me pagën e tij prej 6.5 milionë euro në vit këtë verë, por lidhjet me klubet e tjera janë ftohur.
Vidal, i cili u mor nga Barcelona nga Antonio Conte verën e kaluar, është përsëri në Pinetina dhe aktualisht po përgatitet për sezonin e ri me Simone Inzaghi në krye.
Interi është i gatshëm të pranojë çdo ofertë për përfaqësuesin kilian dhe madje të diskutojë një ndërprerje të kontratës, por alternativat janë të pakta për mesfushorin veteran.
Vidal, i cili ka përvojë me Bayer Leverkusen, Juventus, Bayern Munchen dhe Barcelona, u shfaq 23 herë në Serie A sezonin e kaluar dhe ka një marrëveshje deri në Qershor 2022.
Nëse 34-vjeçari nuk do të marrë ofertën e duhur diku tjetër ose nuk do të arrijë një marrëveshje për të përfunduar kontratën e tij me Interin, ai mund të qëndrojë aty deri në përfundim të marrëveshjes./Gijotina.com
