Peshëngritësi shqiptar Briken Calja është duke garuar sot në Lojërat Olimpike “TOKIO 2020” në kategorinë e 73 kg.
Çalja vendosi shtangën në peshën 151 kg, por nuk arriti ta realizonte me sukses në provën e parë në stilin e shkëputjes.
Megjithatë në provën e dytë ai provoi të ngrinte shtangen me të njëjtën peshë dhe ia doli ta realizonte me sukses.
Shqiptari vendosi në provën e tretë në shkëputje peshën 155 kg por nuk e realizoi, duke e mbyllur këtë stil me peshën 151 kg të realizuar.
Rezultati i të gjitha provave në stilin e shkëputjes, bëri që Çalja u rendit në vendin e 6 në klasifikimin e përgjithëm./Gijotina.com
