Mbetet në arrest shtëpie prokurori i Vlorës Maksim Sota. Gjykata e Posaçme e Apelit për Korrupsionin dhe Krimin e Organizuar vendosi të miratojë vendimin e 1 korrikut të Gjykatës se Posaçme të Shkallës së Parë për Korrupsionin dhe Krimin e Organizuar, në pjesën e kundërshtuar nga katër ankuesit, mes tyre dhe Sota.
Sota kërkoi zëvendësim mase për arsye shëndetësore. Prokurori Sota u arrestua me urdhër të SPAK, në kuadër të operacionit “Shpirti”, ndërsa është lënë në “arrest shtëpie”.
Ai akuzohet për shpërdorim detyre, ndërsa në kuadër të këtij operacioni u shkatërrua një rrjet kriminal, ku u arrestuan disa ish-zyrtarë policie, ndërsa u shpallën në kërkim edhe dy ish-shoqërues të ish-ministrit të Brendshëm, Saimir Tahiri.
