Mbrëmjen e djeshme u luajtën ndeshjet e fundit për kualifikimin në fazën e tretë të Conference Legaue dhe vetëm tre skuadra shqiptare ia dolën të vazhdojnë rrugëtimin në Europë.
Laçi, Teuta dhe Prishtina ishin ekipet që shkëlqyen dhe ia dolën të fitojnë në ndeshjet përkatëse.
Laçi hyri në histori më kualifikim në fazën e tretë, pasi mundi Craiovën me rezultatin 1-0. Kurbinasit duhet të përgatiten tashmë për një ndeshje ferri me gjigandët e Anderlecht. Takimi i parë midis tyre do të luhet në vendin tonë më 5 gusht, ndërsa ndeshja e kthimit në Belgjikë më 12 gusht.
Teuta nga ana tjetër bëri një përmbysje spektakolare në transfertë ndaj ekipit të Inter Escaldes, duke fitor në totalin 3-2. Në turin e tretë të Conference League ‘Djemtë e detit’ do kenë përballë irlandezët e Shamrock Rovers.
Ndërsa Prishtina është kualifikuar edhe pse u mund mbeëmjen e djeshme me rezultatin 4-2 nga Connah Quay Nomads, pasi në takimin e parë shqiptarët triumfuan me shifrat 4-1. Tashmë atë e pret një ndeshje shumë e vështirë për fazën e tretë ajo me kampionët e Norvegjisë Bodo/Glimt.
Të hënën të gjitha skuadrat e kualifikuara do të mësojnë se kush do të jetë kundërshtari potencial në play-off të turneut. Ky short nuk do të ketë një ndarje rajonale nga UEFA, por do jetë i përgjithshëm për të përcaktuar se cilat skuadra do të përballen mes tyre për të siguruar 22 vendet që garantohen në grupe nga pjesëmarrja në play-off./Gijotina.com
