Moderatorja sportive, Eva Murati i habiti të gjithë me zërin e saj kur u ngjit në skenë për të kënduar live disa muaj më parë bashkë me Alar Band.
Ajo tregoi shumë qartë se është e aftë edhe në këtë fushë, ndonëse nuk e kishim parë asnjëherë më parë të bënte diccka të tillë.
Megjithatë muzika duket se qenka në planet e së ardhmes së bukuroshes së ekranit, pasi në një ‘Ask me a question’ të bërë së fundmi në ‘Instagram’ e pyetur nga ndjekësit e saj, Eva Murati është shprehur se nuk mund të jesh një ‘showgirl’ nëse nuk këndon, ndërsa ka shtuar që ka në plan të realizojë disa këngë së shpejti.
“Nuk mund të jesh 100% një showgirl nëse nuk këndon! Kam kënduar 2 herë në televizion (para se të më dëgjonin) miqtë më thanë se do të jetë një lëvizje kamikaze, sepse nuk kam bërë ndonjë trajnim të përshtatshëm për të kënduar dhe madje edhe këngëtarët e vërtetë refuzojnë të këndojnë LIVE.
Herën e fundit që këndova para njerëzve ishte në 9-vjeçare dhe më pas kur hyra në gjimnaz nisa të prezantoja dhe këtu nisa karrierën profesionale si prezantuese televizive. Të kënduarit ishte diçka e frikshme, nuk kishte lidhje me prezantimin siç jam mësuar unë, nuk dija as si të mbaja mikrofonin!
Gjithsesi unë kam një zë të mirë, të qëndrueshëm, por të patrajnuar. Ndoshta një ditë do të bëj një këngë, tashmë i kam disa tekste gati (madje edhe tekste patriotike)”,-shkroi Eva
Ndërsa rikujtojmë se pak kohë më parë ajo zbuloi se shumë shpejt mund të jetë pjesë e një projekti në Itali dhe si pasojë duhet t’i thotë mirupafshim ekranit shqiptar./Gijotina.com
