Trajneri i Manchester City, Pep Guardiola, ka folur ditën e sotme në konferencën për shtyp përpara debutimit të së dielës në Premier Liga ku skuadra e tij luan kundër Tottenham.
E veçanta e këtij starti të sezonit të Premier Liga është se trajneri katalanas do të jetë në përballje direkte me lojtarin që e dëshiroi kaq shumë gjatë merkatos së kësaj vere, Harry Kane.
“Ai është një lojtar i Tottenhamit për të cilin nuk do të flas. Bëra një përjashtim herën e kaluar, zakonisht nuk flas për transferime”, ka thënë Guardiola.
Në fund ai u ndal te Grealish, që cilësohet si transferimi më i shtrenjtë në historine e klubit.
“Çdo lojtari ka nevojë për kohë për t’u mësuar me të. Dje ishte dita e parë që ishim të gjithë bashkë. Na duhet kohë si sezonin e kaluar. Mënyra se si të gjithë kanë punuar deri më tani ka qenë e jashtëzakonshme”, deklaroi ai.
