Fair Play Financiar ka qënë një nga termat më të lakuar të ditëve të fundit , veçanërisht me PSG që afroi të gjithë yjet si Neymar, Ramos, Mbappe dhe Messi. Pikërisht kjo është arsyeja pse UEFA po mer në kondideratë ndryshimin e rregullave të lojës.
Shefi i UEFA Alexander Ceferin po mendon të marrë në konsideratë këtë nismë, pasi klube të mëdha në Europë po shpenzojnë shumë, ku duket se nuk po i ndjejnë aspak efektet e krizës ekonomike, duke rreshtuar lojtarë me rroga marramendëse në listat e tyre.
Sipas revistës Time, Ceferin do të propozojë një model të ri, dhe shembulli më perfekt, duket se do të jetë ai i NBA.
Në NBA, çeshtja e klauzolave të Fair Play Fianciar është e zgjidhur pa ndëshkime drastike. Të gjithë ata që duan të tejkalojnë limitet, thjesht do të përballen me sanksione monetare, duke u aplikuar një ‘taksë lluksi,’ pa qënë nevoja për bllokime merkatoje dhe përjashtime nga gara të ndryshme.
Në NBA shumë klube e aplikojnë këtë ‘penalitet të butë’, pasi për sa kohë atyre u leverdis të paguajnë, këtu nuk ka asgjë të keqe nëse vijnë nga një sezon i mirë paraardhës.
Është ende e paqartë se si kjo gjë do të funksionojë në futboll, me skuadrat që duhet medoemos të kenë një limit pagesash, në mënyrë që të taksohen sa më komfort rregullave. Në shtator pritet që Ceferin të dalë me një ide më të qartë rreth kësaj lëvizje.
