Ka nisur puna për lirimin dhe pastrimin e godinave të Qytet Studenti, ku do të strehohen përkohësisht shtetasit afganë, që pritet të mbërrijnë në Shqipëri ditën e nesërme.
Mësohet se deri më tani janë zbrazur dhe janë bërë gati 6 godina. Siç mund të shihet edhe nga pamjet, godinat 2, 4, 7-8, 24-25, po boshatisen dhe po pastrohen.
Pak ditë më parë, qeveria shqiptare pranoi strehimin e të paktën 2000 afganëve, gazetarëve dhe diplomatëve pas largimit nga vendi i tyre.
Në Shqipëri pritet të mbërrijë grupi i parë i afganëve prej 250 personash. Ata do të strehohen në Durrës dhe Tiranë.
