Presidenti amerikan dhe administrata e tij do të vazhdojnë pa lëkundje mbështetjen për Kosovën. Këtë e ka deklaruar Presidenti i Kosovës Hashim Thaçi, si një konfirmim të marrë nga Donald Trump pas takimit me të gjatë Asamblesë së Përgjithshme të OKB-së në New York. Thaçi publikoi në rrjetin social facebook dhe një foto të këtij takimi, ku dy presidentët shoqëroheshin dhe nga dy zonjat e para.
“ I falënderuam për përkrahjen e vazhdueshme për Kosovën-shkruan Thaçi. Presidenti Trump na rikonfirmoi se SHBA do të vazhdojnë ta mbështesin Kosovën në rrugëtimin euroatlantik”, shprehet presidenti i Kosovës.
