Është mbyllur me rezultatin 2 me 0 ndeshja e Liverpool me Burnley e vlefshme për javën e dytë të Premier League.
‘The Red’ morën një fitore shumë të lehtë me Jotan dhe Manen që ishin dy realizuesit e golave. Duhej të vinte minuta e 18-të e lojës që Jota t’i jepte avantazhin ekipit të trajnerit Jurgen Klopp.
Pjesa e parë e takimit u mbyll me rezultatin 1-0 dhe ndonëse nga ‘The Reds’ pati një sërë tentativash për gol të dytë, ai do të vinte vetëm në fraksionin e dytë të lojës.
Mane u kthye në protagonistin e takimit me një supergol të realizuar në minutën e 69’ të takimit duke dyfishuar rezultatin për ekipin e tij.
Ishte Arnold ai i cili dhuroi një asist fantastik duke nxjerrë para porte Sadio Manen që me një goditje fluturimthi mposhti portierin e kundërshtarëve.
Ndërkohë që një mungesë që ra shumë në sytë e tifozëve shqiptarë ishte ajo e Xherdan Shaqirit, duket se tekniku Klopp nuk ka zgjedhur ta ketë as në stol mesfushorin./Gijotina.com
