Fshati Aliko në bashkinë e Finiqit është përfshirë nga zjarri. Flakët me përmasa të mëdha ka detyruar banorët të largohen nga fshati, pasi rrezikohen që shtëpitë e tyre të digjen. Zjarri u shkaktua nga energjia elektrike por po përparon i favorizuar nga erërat.
Zjarrfikëset e bashkive Finiq, Sarandë, Gjirokastër dhe Delvinë kanë mbërritur në vendin e ngjarjes ku po punojnë intensivisht për shuarjen e flakëve, ndërkohë pritet të ketë edhe ndërhyrje me helikopter nga ajri.
Deri më tani nuk ka persona të lënduar dhe është raportuar për dëme të mëdha materiale pasi janë djegur hektarë të tëra me pyje. Për situatën e krijuar në fshatin Aliko ka reaguar edhe kreu i bashkisë së Finiqit i cili ka kërkuar ndihmë të menjëhershme për fikjen e zjarrit.
Gjithashtu bëhet me dije se zjarri po përparon edhe në fshatin Jermë, i cili ndodhet afër fshatit Aliko.
