Sherri i ndodhur mbrëmjen e djeshme në ndeshjen e Ligue 1 midis Nices dhe Marseilles ka qenë kryefjala e ditës së sotme në të gjitha mediat botërore.
Së fundmi kanë dalë ppamje të reja nga momenti kur tifozët mësynë fushën dhe u përplasën me stafin Teknik dhe lojtarët.
Në një video që është bërë shumë virale shihet një pjesëtar i stafit të Marseille teksa sulmon një tifoz të Nice. Ai shihet teksa godet me grusht tifozin dhe ky i fundit rrëzohet në tokë.
Rikujtojmë që e gjithë kjo ngjarje e turpshme ndodhi pasi lojtari i Marseille, Dimitri Payet u godit me shishe nga tifozët e Nice dhe Payet i goditi mbrapsht ato. Takimi u ndërpre në minutën e 75-të të lojës dhe u pezullua pas kaosit që u krijua në momentin e futjes së tifozëve në fushë./Gijotina.com
