Vendi i filandezit Valtteri Bottas te Mercedes është në rrezik. Duket se drejtuesit e kampionëve të Formula 1 ende nuk janë të bindur nëse ai do të jetë përkrah britanikut Lewis Hamilton edhe sezoni e ardhshëm.
Ndërsa 7 herë kampioni i botës duket se është i padiskutueshëm te makina gjermane.
Drejtori Sportiv i Mercedes, Toto Wolff ka bërë me dije se dy janë emrat e kandidatëve për shok ekipi me Hamilton, piloti aktual Valtteri Bottas dhe britaniku George Russell, i cili momentalisht piloton Williams.
Wolff ka thënë se kjo ka për të qenë një zgjedhje e vështirë, ndërsa ka theksuar se e gjitha do të vendoset në shtator.
“Duhet të zgjedhim mes stabilitetit që na ofron Bottas dhe talentit të George. Ndaj, dua që kjo çështje të analizohet me qetësi në shtator, në mënyrë që të dy pilotët të pozicionohen mirë për sezonin 2022”-tha ai./Gijotina.com
