Kreu i Organizatës Botërore të Shëndetësisë, Tedros Adhanom Ghebreyesus u bëri thirrje vendeve që kanë përparësi me vaksinimin që të vonojnë administrimin e injeksioneve përforcuese për të paktën dy muaj, për t’u dhënë kohë vendeve me doza të pakta që të vaksinojnë më shumë persona.
Tedros Adhanom Ghebreyesus u tha gazetarëve gjatë një vizite në Budapest, se përparësi duhet t’i jepet rritjes së normave të vaksinimit në vendet ku vetëm 1% ose 2% e popullsisë është vaksinuar.
Ghebreyesus gjithashtu vuri në dyshim dobinë e vaksinave përforcuese, duke thënë se “ekziston një debat nëse vaksinat përforcuese kanë ndonjë efektshmëri”.
Hungaria u bë vendi i parë në Bashkimin Evropian që ofroi një dozë të tretë vaksine duke iu bashkuar SHBA-së dhe Izraelit, që kanë filluar të ofrojnë, ose po planifikojnë të ofrojnë doza të treta për qytetarët e tyre.
OBSH-ja tha javën e kaluar se nuk beson se të dhënat aktuale mbështesin nevojën për doza përforcuese ndaj COVID-19ës./ Gijotina.com
