Policia e Fierit ka arrestuar 3 shtetas, ndërsa ka shpallur në kërkim tre të tjerë për vepra të ndryshme penale.
Sipas njoftimit, 5 persona kanë dhunuar fizikisht një 26-vjeçar me iniciale B.Ç. në Lushnje. Fabio Zeneli, 33 vjeç është arrestuar, ndërsa personi me iniciale R. Z., 24 vjeç është proceduar penalisht. Gjithashtu në kërkim janë shpallur personat J. Z., 27 vjeç, E. B., 33 vjeç dhe A. B., 27 vjeç. Si provë nga prokuroria, u sekuestrua një dorezë grushti, arma e ftohtë që të rinjtë përdorën.
Në pranga ka rënë Ledio Ndoni për drejtim automjeti në gjendje të dehur, mbante me vete lëndë narkotike dhe nuk iu bind urdhrit të Policisë për të ndaluar. Procedohet pasagjeri për mbajtje pa leje të municionit luftarak.
Gjithashtu, është arrestuar dhe Ermal Mema, 33 vjeç, banues në Levan, Fier, i dënuar me 3 muaj e 17 ditë burgim, për veprën penale ”Ndihma për kalim të paligjshëm të kufirit”.
