Pas largimit të Ronaldos klubi i Juventus është duke kërkuar për zëvendësues të portugezit. Megjithatë drejtuesit e bardhezinjëve nuk po kërkojnë vetëm për një, por për dy lojtarë njëherësh.
Duket se emri i parë në listën e ‘Zonjës së Vjetër’ është 21-vjeçari Moise Kean, i cili duket se nuk është në planet e Everton.
Megjithatë duket se vetmja formë transferimi është huazimi me të drejtë blerjeje në fund të sezonit.
Ndërsa lojtari tjetër që bardhezinjtë duan të afrojnë është sulmuesi i Sassuolos Gianluca Scamaça. 22-vjeçari do jetë më i vështirë për t’u afruar, pasi skuadra e tij kërkon 35 milionë euro për talentin.
Juventus nuk është i gatshëm të japë një shifër të tillë për sulmuesin, ndaj listës i shtohet edhe lojtari i PSG-së, Mauro Icardi.
Megjithatë edhe në këtë rast ka një pengesë që është dëmtimi që argjentinasi ka marrë së fundmi dhe për të cilin i duhet minimumi 1 muaj që të shërohet./Gijotina.com
