Në ditën e lindjes së At Zef Pllumit, presidenti Ilir Meta ka reaguar përmes një postimi në Facebook.
Meta përmend veprën e tij të famshme, “Rrno vetëm për me tregue”, të cilën e cilëson si një dëshmi të diktatutës, por njëkohësisht edhe një kushtrim për demokracinë.
“Rrno, vetëm për me tregue” është jo vetëm një dëshmi autentike për terrorin dhe krimet e diktaturës, por mbetet edhe një kushtrim i përhershëm për lirinë, demokracinë dhe dinjitetin njerëzor, për të cilat ia vlen çdo sakrificë”.
Ndër të tjera, ai ka një mesazh indirekt dhe për politikën duke përmendur thënien e At Zef Pllumit, që sipas tij është e vlefshme në kohën që jetojmë.
“Sot, në ditën e tij të lindjes nderimin më të madh, që mund t’i bëjmë veprës së At Zef Pllumit është të mos harrojmë një prej mesazheve të tij më të mençura, të vlefshme dhe për kohët që jetojmë:
“Asht i mjerë ai popull që nuk ia del me zotnue bijtë e vet të këqij!”, shkruan Meta.
