Juventus thuhet se ka mbyllur një marrëveshje me Everton për transferimin e Moise Kean në Allianz Stadium dhe lojtari pritet të mbërrijë në Torino sonte.
‘Sky Sport Italia’ raporton se sulmuesi i ri italian do të kthehet te bardhezinjtë, pasi ka rënë dakord për një marrëveshje huazimi me një detyrim për ta blerë sezonin tjetër prej 20 milionë euro në total.
Kean u largua nga Juventusi në gusht të 2019-ës, por ka luftuar për të qëndruar në Premier League, ndërsa i huazua te Paris Saint-Germain në sezonin 2020-2021.
Kontrata e tij me Everton skadon në qershor 2024, por agjenti i tij u takua me Juventusin në Continassa dy ditë më parë dhe Kean pritet të kryejë vizitat mjekësore të dielën.
Kean është identifikuar si zëvendësues i Cristiano Ronaldos te ‘Zonja e Vjetër’, ndërsa rikujtojmë se 21-vjeçari luajti 21 herë me skuadrën e parë gjatë periudhës së tij te Juventus, duke shënuar tetë herë me bardhezinjtë./Gijotina.com
