Kontrollet blic në Durrës kanë vënë në pranga një 17- vjeçar i cili është kapur duke qarkulluar me armë zjarri me vete.
Bëhet fjalë për të arrestuarin me iniciale I. R., në lagjen nr.6, Durrës. Policia njofton se i riu pas thirrjes së punonjësve të Policisë nuk i është bindur urdhrit për ndalim.
E për këtë arsye pasi është ndjekur nga shërbimet e Policisë, i mituri ka hedhur në oborrin e G. K., çantën e dorës, brenda së cilës u gjet një armë zjarri pistoletë, e cila u sekuestrua në cilësinë e provës materiale.
Tashmë i riu pritet të përballet me akuzën për veprën penale “Armëmbajtja pa leje”
