Shqipëria sfidon Poloninë këtë të enjte në transfertë, një sfidë e cila është shumë e rëndësishme për fatet e kuqezinjve në grupin I të kualifikueseve të Botërorit. Për këtë duel trajneri Edi Reja nuk pritet të bëjë eksperimente me formacionin.
Italiani pritet të konfirmojë rreshtimin 3-5-2. Në portë do të jetë kapiteni Etrit Berisha, ndërsa 3-shja e qëndrës së mbrojtjes do të përbahet nga Kumbulla, Gjimshiti dhe Ismajli.
Në repartin e mesit të fushës do të aktivizohen Gjasula, Bare dhe Abrashi ndërsa nga krahët Trashi dhe Hysaj. Në fazën ofensive pritet të rreshtohet dyshja Cikalleshi-Manaj edhe pse duhet thënë që Uzuni dhe Broja gëzojnë një formë të shkëlqyer.
