Trajneri i njohur Italian, Arrigo Sacchi ka analizuar situatën aktuale në kampionatin e Serie A. Ai veçon Atalantën dhe Milanin si dy ekipet e vetme italiane me filozofi europiane.
“Nëse shohim skuadrat italiane që luajmë në Champions, duhet të them se Milani dhe Atalanta janë skuadra që kanë mentalitet ndërkombëtar, ndërsa Interi dhe Juventusi janë më tepër besknikë të traditës së futbollit tonë. Shpresoj që kuqezinjtë të japin shpirtin në fushën e blertë për të shkuar sa më larg në këtë turne. Atalanta nuk ka qenë solide në dy ndeshjet e para të kampionatit, por besoj se është çështje fizike. Interi është skuadër tipike italiane, nëse duan të bëhen më europian duhet të bëjnë presing. Ndërsa Juventusi i ka habitur të gjithë më këtë nisje të sezonit. Besoj se Allegri duhet të punojë shumë që të sjellë qetësi në ambientin bardhezi”, ka thënë Sacchi.
