Ambasada gjermane në Tiranë, me anë të një postimi në “Facebook”, ka bërë të ditur se me datë 5 shtator Gjermania do të ndryshojë qëndrimin për Shqipërinë duke e futur në listën e vendeve me rrezik të lartë nga Covid-19.
Ambasada në Tiranë ka njoftuar masat e reja për shqiptarët që duan të udhëtojnë në drejtim të Gjermanisë.
Tre janë kushtet për të udhëtuar; të jeni vaksinuar, dëshmi shërimi nga infeksioni ose testi.
Megjithatë, thotë ambasada gjermane, pas mbërritjes do ju duhet të karantinoheni për dhjetë ditë. Pas pesë ditësh, mund të testoheni përsëri dhe, nëse rezultati i testit është negativ, mund t’i jepni fund karantinës.